Risque incendie et forte houle : large mobilisation pour la prévention
(A redazzioni d'Alta Frequenza) - I cundizioni meteurulogichi annunziati pà i ghjorni à vena nant'à l'insemi di a Corsica (ventu forti fin'è 80 chilometri à l'ora ; sicchia di a vegetazioni) t'ani par cunsiquenza un risicu di fochi eccezziunali, in particulari nant'à i monti di Piana, Bavedda è Illarata, Verghjellu, Manganellu, di u Fangu, furesta di Bunifatu è tarritoriu di l'Agriati, è marosuli forti. Di pettu à risichi pussibuli pà a ghjenti chì và à spassighjà, i prifetti di i dui dipartimenti ani dicisu di pruibiscia l'accessu à parechji lochi di muntagna (veda altrò). Schisà à tutti i patti chì fochi partissini, è minurà u risicu di securità civili chì pudaria cuncirnà a ghjenti à spassighjà, eccu u scopu di issa larga mubilisazioni di privenzioni. Issa dumenicata vidarà dunqua a missa in ballu di un dispusitivu eccezziunali, aduniscendu i spinghjifochi di regula è quilli di furesta, i mezi di a securità civili, ma dinò l'ONF è militari, senza sminticà i Canadair, Tracker è a pulizza cù a gendarmeria. S'è in muntagna, u risicu di focu hè particularmenti forti, i zoni litturali pudariani essa tocchi da marosuli maiò. A prifettura di Corsica racumanda di fattu di ùn fà nisun attività d'asgi in acqua è di ùn andà micca à u mari.
Les précisions d’Eric Maire, secrétaire général de la préfecture de Corse.
Sur le même sujet
