Revalorisation des retraites : toujours très insuffisante pour les associations
(A redazzioni d'Alta Frequenza) - L’associ di ritirati ùn cappiani micca, a rivalurisazioni di i ritirati di 2,1 % ùn basta veramenti vistu a crescita annunziata di i prezzi, 2,5% vali à dì una nova perdita di u puteri di compra di 0,4%. L’associu di i ritirati corsi, ind’un cumunicatu, dinunzia issu veru « hold-up » suciali, rammintendu chì in Corsica 25% di i ritirati campani cù menu di 640 € à u mesi è 25 altri par centu cù menu di 900 €, vali à dì cinqui punti di più cà in altrò. U STC rammenta ch'ellu ùn lacarà micca dì n'importa cosa, à diritti com'è à manca, pà ciò chì tocca à a crisi è à u so impattu veru nant'à i cundizioni di vita di i più povari. Nant'à u stessu rigistru, l'associu di i ritirati CGT hà assistutu, a settimana scorsa è cù assai attinzioni, à u dibattitu inde l'Assemblea di Corsica nant'à a prublematica di i trasporti. À issu nivellu quì dinò i ritirati stimani chì i so rivindicazioni ùn sò micca stati troppu intesi, ancu da u cantu di l'istanzi pulitichi righjunali.
Écoutez Noël Zicchina, pour l'Association de retraités CGT.
