Réunion autour des Arrêtés Miot : le sentiment de Paul Giacobbi
(A redazzioni d'Alta Frequenza) - Hè dumani (ghjovi) chì a dilegazioni corsa cumposta d'eletti di l'Assemblea di Corsica, di parlamentarii è di presidenti di cullitività lucali scuntrarà torna à Jean Michel Baylet. Si trattarà di a siconda riunioni d'appruntera di l'urganisazioni istituziunali nova di a Corsica induva s'hà da scopra i primi prughjetti d'urdinanzi pruposti da u guvernu è rilativi à certi misuri istituziunali nant'à a criazioni di a cullittività unica. Si parlarà dinò di reguli bughjettarii, finanziarii, fiscali è di cuntabilità mentri ssa riunioni. Ùn sarà micca l'ughjettu maiò di a riunioni, ma postu chì s'hà da parlà di fiscalità, omu duvaria amintà ciò chì s'hè passatu ssu marti à l'Assemblea di Corsica cuncirnendu l'Arrestati Miot. Paul Giacobbi hà assistutu cù primura à ssu dibattitu. Ùn hè micca statu surpresu pà daveru da u cuntinutu di u raportu De Casalta. In fatti, l'anzianu presidenti di l'Esecutivu ci hà vistu una certa filiazioni cù u travaghju intrapresu duranti l'anziana mandatura nant'à ssa famosa prublematica di l'Arrestati Miot. Si pighja a strada bona ? Emi postu ssa dumanda à Paul Giacobbi.
U stemi à senta.
