Rétro 2011: l'épineux dossier de la politique régionale foncière et du logement
(A redazzioni d’Alta Frequenza) - Unu di l’avenimenti forti di iss’annu 2011 hè ben intesa u cartulari difficiuli di a pulitica righjunali fundaria è di l’alloghju. Prumessa eletturali di a campagna di i righjunali, issa dimarchja hè stata iniziata in principiu d’annata è à mità di u mesi di ghjunghju l’Assemblea di Corsica hà urganizatu un grandi dibattittu nant’à a quistioni. Dopu à cinqui mesi di riunioni, dodici in tuttu, cù à a seguita un seminariu in Corti, i famosi assisi di u fundariu ani trovu u so sbuccà inde issu dibattitu. I più alti istanzi pulitichi di l’isula ani riflettutu nant’à u ducumentu di sintesi priparatu da Maria Giudicelli. Aldilà di a missa in ballu di primura di sfarenti arnesi tennichi, un stabilimentu publicu fundariu, una sucità d’accunciamentu è di custruzzioni, un’agenza d’urbanisimu, a cunsighjeri esecutiva hà dinò mustratu calchì via. D’appressu à ella, u puteri d’adattazioni legislativu è di regula di l’Assemblea di Corsica sarà di sicuru missu in opara ma ùn sarà micca l’unica via. In fatti, li garba piuttostu à Maria Giudicelli d’usà di l’affari di a fiscalità cà quillu di a citadinità pà custruiscia un dispusitivu chì andaria à prò, trà virguletti, di l’isulani inde tutta a prublematica di u fundariu.
Écoutons la conseillère exécutive chargée de ce dossier difficile.
