Retour à la normale côté circulation après les chutes de neige de ce dimanche
(A redazzioni d'Alta Frequenza) - Ritornu à a nurmali da u cantu di a circulazioni, frà altru ind’a Bocca di Vizzavona. Iss’ultima hè oramai sbluccata. I nivati d’arimani (dumenica) aviani purtatu à a so sarratura stanotti ; ci si pò oramai acceda senza arnesi particulari. Malgradu tuttu, a più grandi prudenza hè racumandata parchì risichi sò sempri quì nant’à l’insemi di a reta interna. In più di què, novi falati essendu annunziati, bisogna à priveda cateni ind’a so vittura. A ghjunta subbita di l’inguernu, hà dinò fattu spuntà disturbi impurtanti arimani ind’A Bocca di Teghjime. I spinghjifochi di Corsica Suprana sò stati ubligati à intarvena da sgaghjà una cinquantina di vitturi. Iss’ultimi sò stati intrappulati da un veru lavu cutratu. Sò stati missi dopu in securità ind’a sala pulivalenti di Lupinu. Pà l’ori è i ghjorni à vena, a più prudenti di i cosi hè d’arrighjistrà eppo chjamà à u PC Neva di Corti à u 04 95 46 17 12 .
