Résolution solennelle : Laurent Marcangeli et Valérie Bozzi s'expriment sur leur choix
Puteri nurmativu o lighjislativu : à senta ni à Valérie Bozzi, hè statu francatu un passu di quiddi in a ridazzioni di a risuluzioni sulenna chì l’eletti corsi di u cumitatu strategicu devini purtà luni in parigi.
Pà a coprisidenti di u gruppu Un Soffiu Novu, a ricirca di calcosa di cunsinusuali era una niccissità, chì sidinò parigi avia da impona unu scrittu di soiu.
À senta ni u merri di Grussetu, u cunsensu si hè fattu chì i naziunalisti ani datu uni pochi di guaranzii par certi punti.
Par ciò chì tocca à i pusiziunamenta diversi in cori à u so gruppu, hà dittu Valérie Bozzi chì l’affari si pudia priveda, à senta ni l’ultimi dichjarazioni di Jean-Matin Mondoloni.
Steti à senta à Valérie Bozzi.
Pà u diputatu lla prima circuscrizzioni llu Pumonti, u ducumentu vutatu vennari à sera metti in risaltu a vulintà ch’iddi t’ani i corsi di fà strada, in issu dialugu cù parigi, ma ancu a nicissità d’una rivisioni custituziunali.
In quantu à u pusiziunamentu di Jean-Martin Mondoloni, hà dittu Laurent Marcangeli ch’iddu mittia in risaltu a prisenza di dui visioni di a dritta in Corsica.
Infini, hà dittu u prisidenti di u gruppu Horizon, ch’idda c’era sempri à strada à fà, innanzi di ghjunghja à u votu di un titulu o d’un articulu pà a Corsica in a custituzioni
Steti à senta à Laurent Marcangeli
Sur le même sujet
