Reprise de la SNCM : ça se précise pour le consortium des entreprises corses
(A redazzioni d'Alta Frequenza) - In un cumunicatu, a cullaburazioni di l'intrapresi isulani faci sapè ch'ella s'hè adunita u 20 di ghjunghju scorsu in Corti pà pudè custituiscia a sucità Corsica Maritima, cù un capitali variabili, in carica d'appruntà è di prisintà à u tribunali di cummerciu di Marseghja un'ufferta di ripresa di l'attività di a SNCM. "I squadri uparaziunali (d'ingenieria ghjuridica, finanziaria è tennica) sò in traccia di travaghjà, cuntatti serii sò ingaghjati cù partinarii armatori d'impurtanza", si pò leghja. "U scopu di finalizà pruposti serii è ambiziosi à u nivellu suciali, ma dinò di scrizzioni in u tempu à u pianu ecunomicu, sarà dunqua toccu nanzi à a data ditarminata da u Tribunali". Sicondu a cullaburazioni, 70 intrapresi ani dighjà dicisu di participà à ssa dimarchja. "Una cumpagnia Corsa à u serviziu di a Corsica, eccu u nostru scopu, semi ditarminati à riescia", compii quissa quì.
