Réouverture des écoles le 11 mai : un flou et des imprécisions qui appellent aux plus grandes réserves pour Josepha Giacometti
Josepha Giacometti, a cunsigliera esecutiva in carica di u insignamentu à a CDC, hà riagitu dopu à u discorsu di macron, chì privedi di vultà in iscola à parta si da u 11 di maghju.
Non solu d’essa stunata bè, Josepha Giacometti cunsidarighja ch’issi dicisioni sò impricisi è pochi capiscitoghji, masimu chì dichjarazioni di u ministru di l’aducazioni ùn ani cuntribuitu à renda a cosa più chjara.
A cunsigliera esecutiva rigreta ch’idd’ùn sichini pricisati nè u metudu, nè i cundizioni di un vultà in iscola.
Tandu, i cosi sò chjari, « ci tocca à veru à essa attenti, o ancu à uppona ci à issa riapartura s’idd’ùn si cunnoscini i cundizioni ».
« Ci vol’ chì no’ sichimi chjari è avè cuerenza, ch’iddi si capischini i nosci dicisioni. Ci mancani l’elementi da pudè accumpagnà a riapartura » hà dittu cù forza Josepha Giacometti.
Intantu, a cunsigliera esecutiva avvia mezi è azzioni da porghja aiutu à famiddi è insignanti chì assicurighjani a cuntinuvità pedagogica.
Da riducia a disparità in l’accessu à l’aducazioni, sarà distribuitu matiriali à l’elevi chì ùn ani.
Stemu à senta à Josepha Giacometti.
Sur le même sujet
