Rentrée sociale satisfaisante pour le STC
(A redazzioni d'Alta Frequenza) - A Corti di Cassazioni hà sciappatu a dicisioni di u tribunali d’istanza di u 15esimu circundariu di Parighji chì qualificava u STC di micca licitu, ciò chì u duvia impidiscia di fattu di prisintassi à l’alizzioni prufiziunali inde l’intrapresi i più chjuchi. A Corti dumanda chì l’affari sighi asaminatu torna da u listessu tribunali d’istanza, ma ch’ellu sighi cumpostu altrimenti. Ramintemi chì ss’azzioni in ghjustizia hè stata purtata da i cintrali sindicali CGT, CFTC, CFDT è FO. Pà a Corti di Cassazioni, a dicisioni di u tribunali d’istanza di u 4 di lugliu viola a legi, parchì ss’ultimu hà agitu « senza custatà chì u sindicatu STC (…) t’hà ind’a so azzioni un scopu micca licitu cuntrariu à i valori republicani ». U STC s'hà da pudè prisintà dunqua à l’alizzioni ind’i TPE, ciò chì spiega a cuntintezza di Jean Brignole.
Eccu l'intervista di u secretariu generali di u sindicatu.
