Rentrée sociale : l'inquiétude de Force Ouvrière
(A redazzioni d'Alta Frequenza) - Dopu a riintrata sculari, eccu oramai a riintrata suciali cù parechji cartulari propiu caldi. Ss'ultimi cuncernani par asempiu à u nivellu naziunali a missa in ballu di u pattu di rispunsabilità, u disimpiegu di durata longa, l'impiegu di i ghjovani, u travaghju a dumenica o ancu a mudernisazioni di u dialogu suciali. In Corsica com'è in altrò, i sfarenti misuri pinsati da u guvernu pà pudè rialzà l'ecunumia di u paesi sò stati è sò sempri assai mal visti, soprattuttu da i sindicati chì temini di più austerità, suppressioni d'impieghi più numarosi è di più riduzzioni à u nivellu di i mezi dati da u Statu à i cullittività lucali. Force Ouvrière hè à u listessu nivellu d'inchietudini cà a CGT, soprattuttu chì a staghjoni turistica in Corsica ùn hà micca rispostu à tutti i spiranzi. Un'inchietudini chì s'arremba à l'evuluzioni assai "particulari" di certi cunflitti, SNCM, a Posta par asempiu.
Steti à senta à Paul Giacomoni, pà l'UD FO di Corsica Suttana.
Sur le même sujet
