Rentrée politique de Femu a Corsica: entretien avec Jean-Christophe Angelini
(A redazzioni d'Alta Frequenza) - Ssa dumenica, Femu a Corsica hà fattu a so riintrata pulitica in Corti, ind'un anfiteatru Ettori di l'Università di Corsica pienu à tappu. Riforma istituziunali, statutu di residenti, votu di u Parlamentu aurupeu à prò di a salvezza di i lingui righjunali è minuritarii, alizzioni municipali : eccu a scheda micca cumpletta di i tematichi ammintati davanti à i militanti è simpatizanti di u muvimentu naziunalistu. Una riintrata sottu à u segnu di un slogan, un simbulu : "Populu Corsu, Populu Vivu", parolli di primura à calchì settimana di scelti pulitichi è di mumenti eletturali maiò. Emi scuntratu dopu à ssa manifestazioni unu di i dui leaders di Femu a Corsica, Ghjuvan Cristofanu Angelini. Ss'ultimu volta nant'à a maghjurità di i temi ammintati più sopra, principiendu cù a chjama lampata da Corsica Libera appena nanzi à a dumenicata nant'à a prossima sissioni di l'assemblea di Corsica rilativa à a riforma istituziunali. Rammintemi chì Ghjuvan Guidu Talamoni è u so currenti ani fattu cunnoscia a so voglia di veda a famighja naziunalista sprima si cù una voci sola duranti ssu dibattitu è ssu votu pà rinfurzà a purtata di a so pusizioni nant'à u cartulari.
Ecoutez Jean-Christophe Angelini pour Femu a Corsica.
Sur le même sujet
