Rentrée politique ce dimanche à Aleria pour Femu a Corsica
U chjoccu lla campana lla riintruta si faci senta ancu in pulitica.
Quidda di Femu a Corsica si hà da fà duminica in Aleria.
À issa ghjurnata, ugni partitu di Corsica ci hè invitatu, cacciati u Rassemblement National è Reconquête. Ci si parlarà d’autunumia, cù l’eletti catalani è valdutani.
Ma ancu puri ch’idda sichi di prima impurtanza a quistioni di l’autunumia, cù unu statu francesu mutu in tuttu dopu à u votu di u raportu à l’assemblea corsa di luddu, si ani da trattà i quistioni ecunomichi è suciali, è ancu quidda di a droga.
Hè una riintruta dicisiva pà Femu a Corsica. U partitu nega ch’idda sichi una riazzioni, issa ghjurnata, à i critichi chì li rimpruvarighjani d’essa si avviatu in a circa d’un’autunumia chì s’assumidda à una fola.
Steti à senta à François Martinetti, u sicritariu naziunali di Femu a Corsica.