Rentrée du tribunal de commerce d'Ajaccio : situation économique toujours préoccupante
(A redazzioni d'Alta Frequenza) - Dopu à u TGI è i Prud'hommes, hè u tribunali di cummerciu d'Aiacciu chì hà fattu a so riintrata sulenna ssu marcuri. À l'alba di un eserciziu ghjudiziariu novu, hè ghjunta l'ora di u bilanciu pà quillu chì s'hè compiu chì hè pocu. Par disgrazia, l'inchietudini di u principiu di l'annata 2015 si sò cunfirmati cù una situazioni ecunomica sempri pessima. À u nivellu statistichi, s'è u numaru di matriculazioni cresci di +24,88% (1385 in u 2015 contr'à 1109 in u 2014), si custata una crescita di +29,57% di i liquidazioni ghjudiziari. U numaru di radiazioni cresci pà contu soiu di +15,02% (1171 in u 2015 contr'à 1018 in u 2014). U numaru d'affari chì aspettani d'essa ghjudicati cresci dinò ellu, passendu da 541 in u 2014 à 610 in u 2015. Paul Scaglia, presidenti di ssa ghjuridizzioni pà l'8ima è ultima annata, volta annant'à ssa situazioni ecunomica chì ferma cumplicata, senza scurdassi di mandà parechji missaghji, par asempiu à a maghjurità tarrituriali eletta pocu fà.
Eccu l'intervista di u presidenti di u tribunali di cummerciu d'Aiacciu.
Sur le même sujet
