Rentrée du STC : le maritime en question
(A redazzioni d'Alta Frequenza) - U STC hè un sindicatu chì raprisenta i salariati, è si pò dunqua prisintà à tutti l'alizzioni urganizati nant'à u tarritoriu naziunali ! Eccu a dicisioni di a Corti di Cassazioni ! Ramintemi chì ss'ultima hà sciappatu a dicisioni di u tribunali d’istanza di u 15esimu circundariu di Parighji chì qualificava u STC di micca licitu, ciò chì u duvia impidiscia di fattu di prisintassi à l’alizzioni prufiziunali inde l’intrapresi i più chjuchi. Ramintemi chì ss’azzioni in ghjustizia hè stata purtata da i cintrali sindicali CGT, CFTC, CFDT è FO. Hè cù ssa dicisioni di ghjustizia pusitiva chì u STC hà tinutu ssu marcuri a so tradiziunali cunfarenza di stampa di riintrata. U sindicatu naziunalistu hà amintatu a situazioni in Corsica vultendu nant'à i temi maiò di l'attualità : a Cullittività unica, ch'ellu difendi, o ancu a cumpagnia marittima regiunali, di quali ellu hè statu l'artisgianu. Eppuru, u STC hè statu più cà chjaru nant'à ss'ultimu puntu : và di sicuru in u sensu di u prughjettu prisintatu, ma firmarà propiu attenti nant'à u muntami finali, è què in u rispettu di a difesa di i salariati.
Steti à senta à Ghjuvanni Brignole, u secretariu generali di u sindicatu.
Sur le même sujet
