Rentrée du STC Educazione
(A redazzioni d'Alta Frequenza) - Stamani (marcuri), u STC Educazione facia a so riintrata, l'uccasioni di fà u bilanciu di una riintrata sculari chì, s'ella ùn hè micca pessima, ùn hè micca magnifica quantunqua. U STC hè vultatu nant'à parechji punti impurtanti, com'è a rifundazioni di a scola, cù un calendariu chì ùn piaci micca à u sindicatu à chì li si pari chì l'affari sò piecati. Altru cartulari maiò, quillu di a carta sculari in Corsica Suprana, ricusata da u sindicatu. U STC hà dinunziatu frà altru i mantenimenti di posti ch'elli dicini mascarati in Luri, Muratu è Pedicroci, postu chì l'accademia, rammintemu la, hà utilizatu a riserva di rimpiazzanti pà mantena scoli ufficialmenti supprimati. U fattu di chjamà ni à a gendarmeria pà prublemi à a scola hè dinò statu dinunziatu, mentri chì l'impurtanza di un statutu di cu ufficialità di a lingua Corsa hè statu incalcatu torna.
On écoute Pierre Pasqualini, délégué syndical STC Educazione
Sur le même sujet
