Rentrée du Conseil des Prud'hommes d'Ajaccio : changements en profondeur, inquiétudes autour des ordonnances Macron
(A redazzioni d'Alta Frequenza) - Riintrata sulenna ssu marcuri in Aiacciu di u Cunsighju di i Prudomi, cù un cambiamentu inde a manera di sceglia i cunsighjeri. In fatti, s'è fin'à oghji ss'ultimi erani eletti grazia à un'alizzioni di lista par urganisazioni sindicali, hè oramai u principiu di a raprisintazioni indiretta chì vali, cù una scelta da l'urganisazioni raprisintativi, eppo una numinazioni da i ministeri d'autorità chì sò quilli di u Travaghju è di a Ghjustizia. Una misura chì hà inghjinnatu un rinnovu di i cunsighjeri à 70%. À mezu à i facci novi, a presidenti di a ghjuridizzioni, Véronique Cesari Acker, chì veni da u STC, è chì pighja a seguita di Jean Toussaint Poli è di Gilles Trovato, chì sò stati, un colpu l'unu, un colpu l'altru, presidenti duranti una quindecina d'anni. Un Cunsighju di i Prudomi d'Aiacciu induva l'attività sarà stata stabuli in u 2017, cù ancu una riduzzioni di i pruceduri i più vechji firmendu à trattà è un'annata 2018 chì s'apri cù incertezzi o ancu inchietudini, cù a publicazioni pocu fà di l'urdinanzi Macron nant'à u codeci di u travaghju, è u risicu à l'avvenna d'un accessu à ssa ghjuridizzioni podassi micca assicuratu à tutti.
I pricisioni di Véronique Cesari Acker, a presidenti di u Cunsighju di i Prudomi d'Aiacciu.
Sur le même sujet
