Rentrée des collèges en septembre : Pour la Rectrice, la décision de la CDC, prive des parents du droit à la scolarité de leur enfant.
In un cumunicatu, dici a rittrici d’accademia ch’idda « pidda nota di a dicisioni llu Cunsigliu Esecutivu lla Corsica di prupona a riapartura ginirali di i stabilimenta pà sittembri llu 2020 ».
Pà Julie Benetti, issa dicisioni, « presa senza senta si capu nanzi cù u ritturatu o i capistabilimenti, caccia à i parenti u drittu à a scularità di i so ziteddi.
Issa taddatura di sei mesa di fila cù u so culleghju, calchì cunsiquenza pà i nosci elevi l’avarà ».
A rittrici dici dunqua chì « senza a prisenza attiva di l’agenti lla Cullittività di Corsica in carica lla nittera è di l’intrattinimentu di i lucala, nisciunu stabilimentu ùn aprarà, postu ch’idd’ùn si pudarà metta in anda un prutucollu sanitariu strintu ».
« A me priurità assuluta, hà dittu Julie Benetti, hè di guaranzì a sicurità di i parsunala è di l’elevi.
Rigretu ch’idda ùn si sichi avviata una riflissioni cù i me sirvizia, cù i capistabilimenta è i so squadri da pudè veda, par ugni stabilimentu, i mudalità di missa in anda lli misurii sanitarii »
Par finiscia, dici Julie Benetti ch’idd’hè un mesi ch’idda hà fattu sapè, è in parichji volti, « a so vulintà di travaddà, in piena cuncirtazioni cù a Cullittività di Corsica, à a difinizioni d’un pianu di riapartura, adattu à i spicificità d’ugni stabilimentu (…). Mi fermu dispunivuli pà un travaddu cumunu, patti è cundizioni ch’iddu si faccia in u rispettu di l’attribuzioni rispittivi, è di a cumpitenza sclusiva di l’Aducazioni Naziunali à liveddu pidagogicu », dici in chjudenda a rittrici.
Sur le même sujet
