Rentrée aujourd'hui à la Cour d'Appel et au Tribunal de Grande Instance de Bastia
(A redazzioni d'Alta Frequenza) - Ghjornu di riintrata à a Corti d'Appellu è à u Tribunali di Grandi Istanza di Bastia oghji (ghjovi). L'uccasioni pà u prucuratori di a Republica di Bastia, Dominique Alzeari, di fà un bilanciu di l'annata ghjudiziaria 2011. S'è i sciffri esatti ùn sò ancu stati fissati, u prucuratori hà annunziatu una calata di u numaru d'attentati cù mezi splusivi, di i scruccunarii à a carta bancaria è di l'arrubecci. Cresciti sò stati inveci censati pà ciò chì tocca à l'urbanisimu, u travaghju à u neru, i fochi di furesti è a falsificazioni di ducumenti d'indentità. Pà l'umicidii è provi d'assassinii, u so numaru hè di 38 in u 2011, cù un tassu di risuluzioni quantunqua altu. I ritiri d'armi sò in crescita, com'è pà i droghi duva si custata un'aumentazioni forti. Infini, si pò veda una crescita impurtanti di i ritiri di parmissi di cunduncia, aghjustata à a calata di u numaru di morti nant'à i stradi di Corsica Suprana.
On écoute le procureur de la République.
Sur le même sujet
