Renouvellement des concessions gaz sur les sites d'Ajaccio et Bastia : la CGT Energie inquiète
(A redazzioni d'Alta Frequenza) - Inchietudini di u sindicatu CGT Energia chì tinia ssu ghjovi da mani una cunfarenza di stampa nant'à u situ di a stazioni gaz di u Loretu. Parsunali chì dinunziani una mancanza di chjarezza di u gruppu ENGIE cuncirnendu a sfruttera di i reti di distribuzioni di gaz pà i cità d'Aiacciu è di Bastia. In fatti, in u quadru di u rinnovu di i cuncissioni chì si devi fà inde i 24 mesi grazia à una chjama à ufferti, ENGIE dumanda guaranzii nant'à dui punti : u so debbitu strutturali di sfruttera è l'investimentu pà l'intarru di i vaschi di u Loretu. Nasci dunqua l'incertezza di pettu à a fini pussibuli di a sfruttera da u gruppu nant'à l'isula à l'avvena, eppo cresci u timori di pettu à a pussibilità di veda dumani un uparatori privatu vincia a chjama à ufferti, cù dumandi chì si poni pona in tarmini d'impieghi, di prezzi pà l'usadori è di securità.
Steti à senta à Xavier Nesa, secretariu generali di a CGT Energia Corsica.
Sur le même sujet
