Rencontres avec les groupes politiques de l’Assemblée nationale et du Sénat sur la question du rapprochement des prisonniers
U prisidenti di l’Esecutivu, a prisidenti di l’assemblea, i prisidenti di Fà Populu Inseme, Un Soffiu Novu, Avanzemu è Cori in Fronti dicini in un cumunicatu cumunu ch’iddi ani da scuntrà ghjovi in parigi i prisidenti lli gruppi di l’assemblea francesa è di u senatu, par ciò chì tocca à a quistioni lli prighjunera pulitichi. Sarà prisenti dinò Unità Strategica, chì difendi i prighjuneri è l’anziani prighjuneri.
U 22 d’uttrovi, mentri a sissioni straurdinaria di l’assemblea corsa, era stata vutata à l’unanimità una risuluzioni sullenna, par dumandà ch’iddu sichi cacciatu u statutu di DPS à Pierre Alessandri, Alain Ferrandi è Yvan Colonna, è ch’iddi sichini avvicinati senz’altru.
Mentri issa sissioni, sò stati assuciati à issa dimarchja i parlamintarii isulani, anziani prisidenti llu cunsigliu esecutivu (Ange Santini è Paul Giacobbi), anziani prisidenti di l’Assemblea Corsa (José Rossi, Camille de Rocca Serra è Jean-Guy Talamoni), è parichji merra è prisidenti d’intercumunalità.
Sò stati dumandati appuntamenti, via i parlamintarii isulani, à i tanti prisidenti di gruppi di l’assemblea francesa è di u senatu.
