Rencontre entre le Conseil Exécutif de Corse et le professeur Jérôme Salomon, Directeur Général de la Santé
Cù issa crisa liata à u siscu, l’esecutivu lla Corsica hà scrittu à u guvernu francesu, da spiicà li i deci misuri à metta in anda, par pruteghja l’isula.
« Issi misuri piddani in contu a spicificità di a Corsica, di pettu à un cuntinenti : l’isulanità, a vicinanza cù l’Italia, à intruta à nantu à u tarritoriu limitata à porti è aeruporti, un sistema di saluta publicu è privatu cù mezi strutturalmenti custretti, una circulazioni interna impurtanti, cù u passa è veni pà issi paesa in duminicata, i 75 000 parsoni anziani chì campani in Corsica, è chì sò un publicu sinsibuli à u siscu » dici u prisidenti di l’esecutivu.
Ci hè dunqua un’ urgenza maestra à uttena a validazioni d’issu principiu di spicificità.
« In risposta à a me lettara di l’ottu di marzu, u primu ministru francesu hà prupostu, par parlà d’issi cosi, una visiocunfarenza cù u prufissori Jérôme Salomon, u dirittori ginirali lla saluta », hà dittu Gilles Simeoni. Issu scambiu si duvaria fà à u più prestu.
« Aghju dumandatu dinò chì issa riunioni trà M. Salomon è u Cunsigliu Esecutivu lla Corsica sichi suvitata da unu scambiu cù u prisidenti di l’assemblea, i prisidenti di i gruppi, i diputati è sinatori, u prisidenti di u CESEC, i vici prisidenti di l’Assemblea di a Ghjuvantù è i merra d’Aiacciu è Bastia », hà pricisatu u prisidenti di l’esecutivu.
Sur le même sujet
