Rencontre avec le nouveau bâtonnier au barreau de Bastia, Me Josette Casabianca-Croce
(A redazzioni d'Alta Frequenza) - Ghjornu di riintrata à a Corti d'Appellu è à u Tribunali di Grandi Istanza di Bastia oghji (ghjovi). L'uccasioni pà u prucuratori di a Republica di Bastia, Dominique Alzeari, di fà un bilanciu di l'annata ghjudiziaria 2011. Issa riintrata era dinò l'uccasioni di fà cunniscenza cù a rimpiazzanti di Linda Piperi à u postu di capu di l'ordini di l'avucati di Bastia, Josette Casabianca-Croce. Un annata 2012 chì sarà sicuramenti assai carca pà iss'ultima, postu chì piazzata sottu à u segnu di i riformi è di i riduzzioni di bughjettu di modu più ghjinirali ind'a ghjustizia. Una di issi riformi faci particularmenti pulemica dipoi calchì settimana in Bastia è più largamenti in Corsica, chì hè a numinazioni di una lista d'avucati chì sarani i soli purtati à accumpagnà i suspetti ind'u quadru di una guarda custodia cuncirnendu un affari di terrurisimu. Nant'à issu puntu, a risposta hè chjara : à u 31 di ghjinnaghju, data ultima fissata da u ministeru di a Ghjustizia, l'avucatura di Bastia ùn darà micca lista da pudè sprima u so disaccordu.
On écoute Maître Josette Casabianca-Croce, nouveau bâtonnier du barreau de Bastia.
