Remise en liberté de Philippe Gatti et rassemblements devant les préfectures de Corse
(A redazzioni d'Alta Frequenza) - Mubilisazioni arimani in fin di dopu merzionu (marti) davanti i prifitturi di Corsica à a chjama di l'Associu Sulidarità è di Corsica Libera. Ssi manifistazioni sò stati urganizati di sicuru ind'u quadru di l'arristazioni è di u mantenimentu in guardia custodia d'ottu militanti naziunalisti è di dui avucati aiaccini. Dipoi arisera, parechji parsoni sò stati libarati com'è l'anzianu raprisintanti di l'Ordini di l'Avucati d'Aiacciu Philippe Gatti, mentri chì Dumè Ferrari hè sempri ritinutu in Asprettu. Pari chì ssi manifistazioni avissini ricivutu un sustegnu più largu cà quillu di u solu muvimentu naziunalistu; ci avemi vistu in fatti parsunalità d'orizonti puliticu è sindicali assai diversi. Corsica Libera hà vulsutu fà di manera franca è chjara a leia trà ss'arristazioni numarosi è a situazioni pulitica attuali in Corsica, parchì?
Steti à senta à Josepha Giacometti, cunsighjera tarrituriali Corsica Libera.
Sur le même sujet
