Relation Corse-Paris : le chaud et le froid
(A redazzioni d'Alta Frequenza) - U caldu è u fretu ! Eccu u sintimu chì omu pò avè di pettu à a rilazioni trà a Corsica è Parighji quandu si vedi l’ultimi sviluppi in a vita publica. Pierre René Lemas, chì ùn c’hè più bisognu à prisintà in Corsica, era in visita a simana passata in u quadru di i duicentu anni di a Cascia di i Dipositi. U direttori generali di ss’urganisimu impurtanti in u finanziamentu di i cullittività publichi hè ghjuntu à prisintà l’impegnu forti di a Cascia di i Dipositi à prò di a CTC è di a Cità d’Aiacciu. Arricarà un investimentu di 64 millioni d’auri nant’à uparazioni d’investimentu purtati da a Cullittività Tarrituriali di Corsica. A Cità d’Aiacciu apprufittarà anch’ella di un partenariatu cù a Cascia pà uparazioni di migliurazioni di i cundizioni di vita in u centru di a cità. Aldilà di ss’aiutu cunsiquenti, si pò rimarcà chì pà certi uccasioni a CTC ùn hè micca u muntonu neru tali ch’ellu pò essa prisintatu in Parighji. A squadra dirighjenti attuali soca racogli l’accunsentu di un urganisimu di Statu d’altissimu nivellu, ciò chì dimostra bè chì i rilazioni cù u guvernu ùn sò micca cusì pessimi di pettu à ciò chì si pudaria pinsà.
Steti à senta à Gilles Simeoni.
Sur le même sujet
