Régime de l’auto-entrepreneur: la position de François Gabrielli
(A redazzioni d'Alta Frequenza) - U guvernu s'hè prunuziatu oghji (marcuri) nant'à a riforma di u regimi di l'auto intraprenadori. In fatti quissu quì, cù a ministra di l'Artisgianatu, di u Cumerciu è di u Turisimu, Sylvia Pinel, voli limità u regimi ind'u tempu. A misura maiò chì hè stata annunziata: a criazioni di limiti intermediari di sciffri d'affari chì t'avarani dunqua cunsiquenzi nant'à u statutu. Un prughjettu di legi sarà prisintatu da quì à a fin di lugliu à u Cunsighju di i ministri eppo à u Parlamentu di vaghjimi. È s'è i difensori di u regimi attuali fermani malgradu tuttu più cà mai contr'à issa limitazioni, l'artisgiani elli ùn cappiani nulla nant'à u prublema di a cuncurrenza micca legali. Un sughjettu chì avia inghjinnatu un'intarvinzioni di u presidenti di a Camara Righjunali di i Mistieri è di l'Artisgianatu, François Gabrielli, duranti l'ultima assemblea ghjinirali di a Camara in principiu di settimana.
Ecoutez François Gabrielli.
Sur le même sujet
