Un omu missu in ditinzioni pruvisoria par avè ricusatu d’ubidì è fertu dui pulizzeri
Aziz Didi, l’omu chì hè statu intarpillatu in Bastia par avè ricusatu d’ubidì è fertu dui pulizzeri scappendu, hè statu missu in ditinzioni pruvisoria.
L’omu cunducia senza permessu una vittura è avia cunsumatu droga, quand’iddu furzeti u passaghju d’un cuntrollu stradaghju, in i quartieri sud di Bastia.
Hè circhendu à scappà ch’iddu si hè impittatu à una vittura di pulizza, firrindu à u passaghju i dui pulizzeri.
Aziz Didi si hà da spiicà in tribunali currizziunali, in Bastia, u 24 d’aprili.
Sur le même sujet
