Réforme institutionnelle : Réaction du maire d’Ajaccio Simon Renucci
(A redazzioni d'Alta Frequenza) - Dopu à l'aduzzioni di u raportu dumandendu a scrizzioni di a Corsica ind'a Custituzioni da una maghjurità maiò di l'eletti di l'assemblea di Corsica, Simon Renucci, u merri d'Aiacciu, stima chì ssu votu hè storicu. Par ellu, cù què, "a Corsica hà ritrovu a so storia pulitica, a so storia istituziunali è a so identità". Sempri d'appressu à u merri d'Aiacciu, ssu votu a faci finita cù più di deci anni d'attessa, faci rinascia a spiranza è "si scrivi ind'u filu di l'avanzati istituziunali dati da a manca. Simon Renucci dici dinò ch'ellu firmarà attenti pà ciò chì tocca a so brama di cullettività unica. Finisci dicendu chì "fà sbuccà ssu prughjettu si faci cù una strategica pulitica sola : raziunalizà i strutturi, fà crescia a nova guvernenza chì tuttu u mondu voli."
Sur le même sujet
