Réforme des retraites: pas du goût de la CGT
(A redazzioni d'Alta Frequenza) - Jean Marc Ayrault hà prisintatu marti a futura riforma di i ritirati ch'ellu voli metta in ballu u guvernu. Dopu à dui ghjorni di discussioni cù i sindicati è i raprisintanti di i patroni, u Primu ministru hà annunziatu parechji affari. Di fattu, u tempu di cutisazioni duvaria essa prulungatu di manera prugressiva da i 41,5 anni dighjà privisti in u 2020 à 43 anni in u 2035. À u nivellu di u finanziamentu, una crescita di i cutisazioni salariali è patrunali hè stata dicisa par asempiu, mentri chì a CSG, a Cuntribuzioni Suciali Ghjiniralizata, ùn sarà micca crisciuta. Da nutà infini a criazioni in u 2015 di un contu di penibulità, finanziatu da l'intrapresi, pà i salariati chì facini mistieri difficiuli parmittendu li di parta à a ritirati più prima. È s'è ss'annunzii rassicureghjani una parti maiò di i patroni è di i sindicati, ùn hè micca u casu inveci di a CGT. Quissa quì faci sapè torna una volta a so dillusioni à nant'à ssu sughjettu, è a sparghjarà torna duranti una ghjurnata maiò di mubilisazioni naziunali privista u 10 di sittembri.
Ecoutez Jean-Michel Biondi, pour l’UD CGT de Corse-du-Sud.
Sur le même sujet
