Réforme des institutions : poursuite des débats ce vendredi
(A redazzioni d'Alta Frequenza) - L'Assemblea di Corsica hà principiatu à 3 ori l'asamini di un sughjettu assai impurtanti pà l'avvena di l'isula : a riforma di l'urganisazioni tarrituriali di a Corsica. Dopu à una prisintazioni corta di u dibattitu da Dominique Bucchini in seenza publica, l'assemblea hà suspesu i so travaghji pà ritirassi in cumissioni, quilla di i cumpetenzi legislativi è rigulamentarii di l'Assemblea di Corsica, ditta cumissioni Chaubon. Assemblea chì s’hè ritrova in seenza publica in principiu di sirata. I dibattiti sò stati suspesi versu un’ora di mani. Una maghjurità si saria sgaghjata d’appressu à Pierre Chaubon inghjiru à una cullittività unica rimpiazzendu i dui cunsighji generali è a CTC, cumposta di 63 membri. Malgradu tuttu, ùn c’hè nulla d’acquistatu è i cunsighjeri si devini ritruvà stamani inde l’emiciculu pà pricisà tuttu què è soprattuttu par asaminà l’amendamenti numarosi prisintati da i sfarenti gruppi.
Steti à senta à Paul Giacobbi, micca annant'à u cuntinutu di a riforma ma bè annant'à a filusufia chì porta ssu prughjettu.
Sur le même sujet
