Reconstitution de la tentative d'assassinat contre Alain Lucchini
(A redazzioni d'Alta Frequenza) - Ricustituzioni arimani dopu meziornu (luni) in Aiacciu di a prova d’assassiniu contr’à Alain Lucchini di dicembri di u 2008. I fatti erini accaduti annant’à quattru vii accantu à l’aeruportu Nabuliò Buonaparte. Alain Lucchini chì cunducia u so 4X4 avia riisciutu à scappà di pettu à i so tiradori, è era statu feritu. Una ricustituzioni pricisa chì hà inghjinnatu un bellu ingorgu in cità. Alain Lucchini hà ripruduttu i gesti chì l’ani salvu. Pà ciò chì tocca a parsona missa in asamini in ssu cartulari, s’hè prisintata duranti un tempu cortu à a ricustituzioni ma hà ricusatu di participà ci, stimendu ch’ella ùn avia nulla à veda inde st’affari quì.
