Rassemblement de soutien au maire d'Afa et à son conseil municipal
Abitanti, militanti assuciativi, eletti… Erani uni beddi pochi à essa si accolti sabbatu matina davanti à a mirria d’Afà, in sustegnu à u merri è à u so cunsigliu municipali.
Ramintemu chì a mirria hè stata tocca da un incendiu criminali, ghjovi à sera.
A cundanna di a classa pulitica hè stata unanima.
Sabbatu, erani prisenti i merra lla CAP, u prisidenti llu cunsigliu esecutivu è quiddu di l’ADEC.
Paul-Félix Benedetti è Véronique Pietri (Cori in Fronti), Jean-Christophe Angelini, Pascal Zagnoli è Jean-François Casalta (PNC), Danielle Antonini (Femu a Corsica) o ancu François-Xavier Ceccoli (LR) erani chivi.
Una prisenza impurtanti pà Pascal Miniconi, chì a vulsutu sparta a so indignazioni è a so incapiscitura.
Si hè quistiunatu, u merri, da circà à capì i mutivazioni di l’autori d’issu fattu :
« N’aghju pientu… Sarà stata par mè ? Chì sbagliu avaraghju po’ fattu ? », hà dittu l’elettu, chì hà quantunca accirtatu a so ditarminazioni à cuntinuvà a so missioni.