Le Direct

Rapprochement d'Alain Ferrandi, Pierre Alessandri et Yvan Colonna : le député Acquaviva interpelle Jean Castex

Marti, Jean-Félix Acquaviva hà quistiunatu u primu ministru francesu, pà l’avvicinera di Pierre Alessandri, Alain Ferrandi è Yvan Colonna, « da ch’idda si faccia a finita cù a logica di vindetta di statu è d’odiu », hà dittu u diputatu lla siconda circuscrizzioni llu Cismonti.

Steti lu à senta.

 Hè dunqua jean castex chì hà rispostu à u diputatu « Liberté et Territoires ».

Steti lu à senta

À Jean-Félix Acquaviva, ben’intesa, ùn li cunveni a risposta llu primu ministru francesu.
Faci d’altrondi issi dui rimarchi :

- « U primu ministru dici chì a corti d’appellu dà cunfirma llu primu ghjudicamentu. Hè falsu in tuttu, chì u primu ghjudicamentu avia dicisu a libarazioni cundiziunali. Hè a pracura antitarrurista chì hà fattu appellu, vali à dì u ministeru publicu, u statu. A dicisioni, chjaramenti, hè pulitica. S’idda fussi stata rispittata a ghjustizia nurmali llu primu ghjudicamentu, Pierre Alessandri saria statu libaratu.

- « U primu ministru si ni rimetti à l’avvisu à vena lla cumissioni par caccià u statutu di DPS, chì devi dicida di manera imparziali ». Ma di dicembri llu 2020, l’avvisu d’issa cumissioni era favurevuli ed hè statu iddu, u primu ministru, chì l’hè andatu contru, mantinindu u statutu di DPS chì impidisci l’avvicinera. Si tratta dunqua d’una dicisioni pulitica ».