Rapport du CISPD : quelles conséquences et quelles actions à Bastia et son agglomération ?
U Cunsigliu Intercumunali di Sicurità è di Privinzioni lla Malavita lla Cumunità d’Agglumirazioni Bastiaccia hà prisintatu u diagnosticu lla situazioni in a CAB, ch’iddu hà fattu Laurent Mucchielli, u suciologu llu CNRS.
A l’ingrossu, dici issu raportu chì a situazioni hè meddu chivi chè in a maior’parti di i cità francesi di a stessa catiguria. Quì, ùn ci hè ancu à veru a viulenza, è a cunsumazioni llu canapu indianu hè da suttu à a media.
Fatti ch’iddi sò issi custati, trè gruppi di travaddu sarani missi in anda cù u statu, a CAB è l’associ.
Unu trattarà di a malavita ind’è i ghjovani è a ricaduta, u sicondu di i viulenzi in coppiu o in famidda, è u terzu di a tranquillità publica.
Comu sarani avviati iss’attelli ? Chì ni pensa a CAB d’issi custati ?
Steti à senta u prisidenti Louis Pozzo di Borgo.
Pierre Savelli, u merri di Bastia, si ni teni à un’analisi suciali. È ùn hè tantu d’accunsentu cù u raportu, chì dici chì i quartieri Sant’Antonu è San’Gaitanu sò à pena à ribaldonu. À senta ni u merri, issi quartiera ùn poni sempri binifizià di i stessi aiuti chè l’altri, postu ch’idd’ùn sò abbastanza, chivi, i famiddi.
Steti à senta à Pierre Savelli.
