Rapport d’étape sur les ordonnances de la future collectivité unique de Corse
(A redazzioni d'Alta Frequenza) - Si và ver di una lotta furmali trà l'Assemblea di Corsica è u guvernu ? A saparemi in furia, podassi dopu a visita nant'à l'isula u 4 di lugliu di u Prima ministru è di quillu di a Dicintralisazioni. In fatti, l'Esecutivu di Corsica hà prisintatu ssu marti da mani u so raportu nant'à i famosi urdinanzi chì duvariani essa svilati in Aiacciu da quì à calchì ghjornu. Dui lati essenziali sò stati prisintati ssu marti : l'urdinanza ditta istituziunali è quilla nant'à i finanzi, pà ciò chì tocca ben intesu a criazioni di a Cullittività di Corsica. Senza entra pà daveru in u ditagliu, pari bè chì par avà i pruposti di u guvernu è quilli di a CTC cunniscissini certi diffarenzi impurtanti. Calchì ghjornu nanzi a visita multiministiriali, l'Esecutivu di Corsica hà dicisu dunqua di prisintà à l'upinioni publica ciò chì sarà a so visioni di i cosi da fà chì, in tutti i casi davanti u populu, l'affari sighini bè chjari.
Steti à senta à Gilles Simeoni.
Sur le même sujet
