Question orale autour du harcèlement scolaire à l'Assemblée de Corse
A sittimana passata, via una quistioni urali di Pierre Poli, si hè parlatu à l’assemblea corsa di u tallozzu in iscola.
L’elettu Avanzemu hà fattu un bilanciu lla situazioni, ma hà vulsutu supr’à tuttu fà rimarcà a parti ch’idda pudia piddà a Cullittività in a risuluzioni d’issu veru pinseri.
« Pudariami essa vanzani, è imaginà a criazioni d’un ussirvatoriu corsu di a viulenza in iscola, o arrimbà issa prublimatica à unu di l’ussirvatorii aghjà mintuvati, è chì asistini dighjà ?
Chì mezi altri di lutta t’hà, a noscia cullittività, di pettu à u tallozzu in iscola ? Chì misuri sò – o poni essa – missi in anda da circà à parà issu dannu ? ».
Eccu i quistioni di Pierre Paoli, chì no’ stemu à senta.
A Cunsigliera esecutiva in carica lla ghjuvantù hà rispostu mintuvendu tutti l’azzioni avviati in privinzioni.
Po’ hà spiicatu chì un siminariu hà da essa cunsacratu à issa timatica da u Ritturatu, è chì a Cullittività di Corsica ci sarà prisenti.
« Una stratigia accademica liata à a privinzioni è u gistimentu lli situazioni di tallozzu hè missa in anda dipoi u 2021 : u prugrama PHARe.
U so ughjittivu hè di fà surghja una « cumunità prutittrici ». À iss’idea, chì và da culandi bè à u quadru di l’aducazioni naziunali, ci adiriscu.
I me sirvizia è quiddi di u Ritturatu sò in traccia di scriva una cunvinzioni pà un travaddu à avvià in cumunu trattendu si di a ghjuvantù. M’ingagiu chivi à ch’idda ni faccia parti, a lutta contru à u tallozzu », hà dittu in chjudenda Lauda Giudicelli.