Quelques difficultés suite aux intempéries dans la région bastiaise et en Casinca pendant la nuit
(A ridazzioni d'Alta Frequenza) - Trà mezanotti è trè ori di mani, in la notti da marcuri à ghjovi, hè falata à stagnarunati l’acqua in i circondi bastiacci è sinu à a Casinca. In Bastia, tandu, sò falati 93 millimitra d’acqua. À i spinghjifoca, in Biguglia è Lucciana, l’hè tuccatu à metta ghjenti in sicurità, ma dinò à aiutà uni pochi d’autumubilisti bluccati à nantu à a ST11. I difficultà liati à a piena llu Bivincu, è affaccati arisera à nantu à issa ST11, sò risolti da sta mani. Ma hè sempri difficiuli di piddà à ST 10 à liveddu di San’Ghjulianu, parvia d’un puzzu d’acqua. À nantu à a SD80, versu u Capu Sacru, ùn hè chè una via sola à funziuna, parvia d’una sfraiata. In quantu à u tunilluchju di Toga, in Bastia, hè statu chjusu u tempu di viutà lu. S’arricumanda à tutti di fà attinzioni
Sur le même sujet
