Le Direct

Quel avenir pour la gauche à Ajaccio?

(A redazzioni d'Alta Frequenza) - Chì avvena pà a manca in Aiacciu? Si pò dì, senza essa un sapientonu, chì Laurent Marcangeli pudarà essa tranquillu duranti un bellu tempu, cuncirnendu a direzzioni di a casa cumuna in tutti i casi. A manca "in pezzi" sicondu certi usservatori, straziarà, è li ci vularà assai tempu pà ritruvà i cundizioni chì ani fattu ch'ella hà pussutu tena a capitali righjunali duranti dui mandaturi, avè i posti di diputatu è di senatori in una cità, una circuscrizzioni, chì sò sempri stati à diritta. Fora di u partitu cumunistu chì teni una vera struttura di partitu puliticu urganizatu, l'altri furmazioni di manca sò in un sonnu prufondu è l'ora di a ricustruzzioni s'imponi à tutti. Ma a ricustruzzioni à partasa da chì, è dinò da quali?

Steti à senta à François Casasoprana, candidatu chì ùn era micca prisenti à u sicondu ghjiru di dumenica; t'hà risposti bè pricisi annant'à ssa quistioni.