Quasquara : le tribunal administratif annule le refus de la commune de démonter une croix chrétienne géante
L’affari avia invispitu u paesu di Quasquara : un’abitanti lla cumuna avia dumandatu u ritiru d’una cruci maiori posta à nantu à a cumuna in u 2022, ma u cunsigliu municipali avia ricusatu.
Iss’abitanti avia attaccatu issa dicisioni in tribunali amministrativu in Bastia, cù a intinzioni di fà viaghjà i principia lla laicità.
Vennari, u tribunali amministrativu l’hà datu raghjoni, invalidendu ciò ch’iddu feci u cunsigliu municipali.
À senta ni u ghjudicamentu llu tribunali, a legi di u novi di dicembri di u 1905 di spiccanza trà i ghjesii è u statu poni u principiu chì a ripublica nè ricunnosci, nè paga, nè suvvinziunighja qual’ch’iddu sichi u cultu, è s’upponi dunqua à a stallazioni da i parsoni publichi, in unu spaziu publicu, d’un segnu o d’un imblema chì faccia manifistazioni di a ricunniscenza d’un cultu, o chì inditti una prifirenza rilighjosa.
U lighjislatori hà quantunca vulsutu mantena i segni è imblemi prisenti innanzi ch’idda venga issa legi, è a pussibilità d’intratena li, fà ni ristoru o rimpiazzà li.
Ma ùn ci n’hè elementi in quissu u casu chì permettini di stabilì chì a cruci missa in u 2022, in u locu signalatu altru chè quiddi di i dui calvarii idintificati à nantu à u cadastru cumunali di u 1880, hè stata missa da rimpiazzà una cruci antica.
Sur le même sujet
