Le Direct

Quartier des Pléiades à Bastia : de nombreux acteurs réunis en préfecture pour rebondir après l'agression du mois dernier

U quartieri dittu di i « Pleiades », in Bastia, ùn hè micca, più chè l’altri, un pinseri. Eccu u missaghju purtatu, dopu à una riunioni, da a prifittura, i putera publichi è altri intarvinanti. Issa riunioni hè stata pruposta parvia di i viulenzi fatti à un ghjuvanottu in issu quartieri, u mesi scursu.

Nè u ghjuvanottu, nè quiddi chì l’ani sbutussatu ùn sò di u quartieri. L’azzuffu, natu in un « citystade »parvia d’un macciu di ballonu, pudia essa successu in qual’sia si u quartieri di Bastia.

Eppuri, ghjuvarà l’affari à i varii attori, da ch’iddi poschini risponda à i prublimatichi d’issu quartieri.

Steti à senta à françois ravier, u prifettu llu Cismonti.

 

L’Uffiziu di l’abitatu, da a so parti, dici ch’iddu hè attenti à ciò ch’iddu si passa, è à i tinsioni visti chivi o in l’altri quartiera.
L’Uffiziu si dici prontu à allargà a telesurviglianza lli so palazzi – chì viaghja aghjà à i « Pleiades » - sinu à l’altri quartiera, ben’chì l’affari ùn sichi privistu par avali.
Steti à senta à Juliette Ponzevera, a prisidenti di l’Uffiziu Publicu di l’Abitatu.