Quand la science s'invite dans le rural : pari réussi à Isulacciu
Sò stati più di 400 parsoni à risponda à a invitazioni lla municipalità di l’Isulacciu di Fium’Orbu, par stà à senta cunfarenzi cù i timatichi lla midicina è a intilligenza artificiali.
U merri i cunsidarighja da sughjetti di prima trinca, è li garba à veru ch’iddu sichi trasmissu issu sapè purtatu da spicialisti di quiddi. L’elettu vurria dà a so piazza vera à u suciali è à u midicali in cori à u mondu paisanu.
Si hè dittu, d’altrondi, beddu cuntenti di u resu contu di i so paisani, chì sò stati intarissati è attenti à veru mentri issi cunfarenzi.
Steti à senta à Jacky Bartoli, u merri di l’Isulacciu di Fium’Orbu.
U prufissori Fabrice Barlesi, dirittori ginirali di Gustave Roussy, dici ch’issi scontri sò prima di tuttu un’uccasioni par parlà di a privinzioni.
U medicu hà parlatu monda di u travaddu di ricirca, ma ancu – è supr’à tuttu ! - di a riduzzioni di l’effetti sicundarii à longu andà pà i malati.
Steti lu à senta.
U prufissori Dominique Barbolosi hà parlatu di l’utilità di a mudillisazioni matimatica è infurmatica à liveddu midicali.
Issu travaddu è issi risultata, u duttori in matimatichi si ni ghjova pà a ricirca à nantu à u cancaru lli ziteddi.
Dici chì à issu liveddu, hè impurtanti di fà opara di pidagugia. Issa pidagugia s’avvia ancu cù a cullaburazioni forti attaccata cù l’Università di Corsica.
Steti à senta à Dominique Barbolosi.
