Propriano : un kebab et une boucherie halal visés par des tirs
(A redazzioni d'Alta Frequenza) - Un kebab è una macellaria halal sò stati tocchi da tiri in a notti trà marti è marcuri in u centru di a cità di Prupià (Corsica Suttana). I fatti, chì sariani accaduti versu 2 ori di mani, sariani stati scuparti solu versu 8 ori. Sicondu u prucuratori di a Republica d'Aiacciu, Eric Bouillard, 31 impatti sò stati ritrovi nant'à l'alba metallica di u kebab, 26 nant'à quilla di a macellaria halal. C'hè solu una quindecina di metri trà i dui cummerci. Parechji armi pudariani avè ghjuvatu, di calibru 9 mm. L'investigazioni, rializati sopralocu da i gendarmi, cuntinueghjani. Atti cundannati da u Prima ministru è u ministru di l'Internu, Manuel Valls è Bernard Cazeneuve.
Sur le même sujet
