Projet pour la Corse : coup d'arrêt ou accélérateur ?
(A redazzioni d'Alta Frequenza) - Passarà o ùn passarà ? U prughjettu dittu di l'urdinanzi appruntatu è prisintatu da Jean Michel Baylet cunnosciarà un asamini novu mentri a simana. Ramintemi chì ssu prughjettu t'hà com'è scopu di crià pà u 1a di ghjinnaghju di u 2018 a cullittività unica, ditta Cullittività di Corsica. Ancu s'ellu hè dighjà statu aduttatu da a cumissioni di i legi di u Senatu, era calchì simana fà inde i cundizioni ch'è no sapemi, ssu prughjettu pudaria essa vittima di ciò chì si pudaria chjamà a pulluzioni eletturali. Com'ellu hè u casu suventi, a Corsica pudaria essa a vittima cullaterali di dibattiti pulitichi chì a cuncernani pocu, una situazioni ch'ellu cundanna, prima ch'elli ghjunghjessini i difficultà, u presidenti di l'Assemblea di Corsica. L'hà ripituta in fin di simana scorsa à l'uccasioni di a riunioni di l'Associu di i Merri di Corsica Suttana, chì studiava u prublema.
Steti à senta à Ghjuvan Guidu Talamoni.
Sur le même sujet
