Projet de loi langues régionales rejeté : réaction du conseiller exécutif Saveriu Luciani
(A redazzioni d'Alta Frequenza) - À i sucialisti, ùn li piacini tantu i lingui regiunali. Dopu u ricusu da u Senatu di a ratificazioni di a cartulari di i lingui regiunali, tocca à l’assemblea naziunali di ricusà oramai l’idea di pluralità linguistica. U prughjettu di legi nant’à l’insignamentu immersivu di i lingui regiunali è a so prumuzioni in u spaziu publicu, purtatu da u diputatu brittonu Paul Molac, hè statu righjittatu da 14 voti contr’à 13. U testu hè dunqua statu ricusatu da u gruppu sucialistu. Eppuru, tutti l’articulari erani stati aduttati duranti u dibattitu da i diputati di tutti i culori pulitichi. Di sicuru, Paul Giacobbi hà vutatu pà u prughjettu di legi. U cunsighjeru esecutivu in carica di a lingua corsa Saveriu Luciani pò fà solu un custatu evidenti : quillu di una diffarenza tremenda trà i brami di i corsi è a visioni ch'ella t'hà Parighji di pettu à u cartulari linguisticu, senza ch'ella traducessi eppuru una rinunzia, à u cuntrariu.
Steti à senta à Saveriu Luciani, cunsighjeru esecutivu in carica di a lingua corsa.
