Projet d'Hyperloop corso-sarde : des jeunes corses lauréats d'un concours d'idées
(A redazzioni d'Alta Frequenza) - Sarà pussibuli d'andà in Cagliari partendu da Bastia in calchì minuta solu da quì à calchì annu ? Un'idea chì ùn hè micca un'utupia è chì pudaria sbuccià grazia à u prughjettu di ricerca industriali Hyperloop, sviluppatu da a sucità Hyperloop One. Ciò chì pudaria duvintà à mezu andà u mezu di trasportu u più rapidu è u più sicuru in u mondu hè in fatti un tubu doppiu rialzatu, induv'elli si spiazzariani capsuli traspurtendu parsoni o marcanzii, o ancu i dui à tempu. U prughjettu corsu è sardu, purtatu da Femu Quì cù u sustegnu di a Cullittività tarrituriali di Corsica è a Regioni Autonoma di Sardegna, hè ghjuntu fin'è i mezi finali di u cuncorsu internaziunali. In u filu di ssa parfurmenza, un cuncorsu d'idei hè statu lanciatu, distinatu à i studianti è à i ghjovani attivi. U scopu : imaghjinà i trasfurmazioni chì una leia Hyperloop trà i dui isuli pudaria pruducia à u nivellu di l'urbanisimu, di i cità è di i tarritorii, di i scambii culturali, di l'educazioni è di l'insignamentu, di l'attrattività di u tarritoriu, di i maneri di campà, o ancu di l'intrapresi. Nant'à 11 prughjetti raprisintendu quattru regioni, a Corsica, u Laziu, a Liguria è a Sardegna, a squadra Via Nostra di Sartè hè ghjunta in testa di u cuncorsu d'idei.
Scontru cù una di i so membri, Véronique Venturini, urbanista.
Sur le même sujet
