Programme riche pour la 47ème Ronde de la Giraglia
(A redazzioni d'Alta Frequenza) - L'ASA Bastiaccia hà prisintatu a quarantasettesima Ronda di a Giraglia, chì sarà urganizata u 2 è u 3 di ghjunghju. Nant'à un parcorsu guasgi simuli di pettu à annu, ci sarà ssu rallye chì cuntarà pà u campiunatu di Francia di siconda divisioni è pà a Cuppa di Francia di i rallyes, postu chì a Giraglia hè una tappa impurtanti ver di a qualificazioni pà u famosu rallye di a Sainte Baume. Faci chì ci duvariani essa cuncurrenti di prima trinca, cù a prisnza di a maiò parti di i grandi nomi isulani, è ancu calchì elementi impurtantissimi ghjunti da u cuntinenti, cù scrizzioni pussibuli fin'è u 22 di maghju.
Steti à senta à Daniel Baldassari, u presidenti di l'ASA Bastiaccia.
