Produire local pour consommer local !
(A redazzioni d'Alta Frequenza) - '"Pruducia lucali pà cunsumà lucali!": hè l'idea maestra missa in avanti da a Cumunità d'Agglumerazioni di u Paesi Aiaccinu pà a so uparazioni Printemps du Bio 2013. Di fattu, fin'è u 9 di ghjunghju, a CAPA è i so 10 cumuni membri urganizeghjani parechji attività pà sinsibulizà u publicu à ciò ch'ellu arreca di bè u bio. Ripasti "bio" sarani sirvuti inde tutti i scoli, è scontri cù pruduttori labelizati si farani nant'à i marcati di a Piazza Foch è à a Parata in Aiacciu. Una manifestazioni chì si scrivi ind'a cuntinuità di a riflizzioni purtata grazia à l'Agenda 21, com'è a ci spieca Jean Marc Roscigni, Direttori Ghjinirali di i Servizii di a CAPA.
Écoutez-le.
