Procès du "Petit Bar" la Justice a rendu son jugement.
Marcuri, u tribunali currizziunali di Marseglia hà fattu cunnoscia i so sintenzi in u prucessu dittu di u « petit bar ».
Jacques Santoni, Mickael Ettori (à a machja dipoi sittembri di u 2020) è Pascal Porri ani presu tredici, dodici è deci anni di prighjunia, buschendu si i cundanni i più grevi.
Sò stati missi amendi chì vani sinu à un milionu è mezu, è sò stati dati mandati d’arrestu contru à quiddi chì à u prucessu, ùn c’erani.
André Bacchiolelli hà presu cinqui anni di prighjunia cù un mandatu di dipositu d’effettu attimpatu.
Anthpny Perrino hè statu cundannatu à cinqui anni di prighjunia à fà cù u braccettu elettronicu, trenta mesa issendu attimpati.
Cuntendu tuttu, i cundanni currini da unu à tredici anni di prighjunia, è u tutali di l’amendi tocca i deci miliona.
Ci sarani altri infurmazioni in l’edizioni à vena.
