Procès du FLNC-UC : le verdict
(A redazzioni d'Alta Frequenza) - Dui parsoni à riparta libari, una cundanna chì ùn sarà micca appiecata è quindici di sì : eccu i ghjudizii resi arisera (marti) da a corti d'Assisi spiciali di Parighji ind'u quadru di u prucessu di membri pinsati di u FLNC, dittu di "l'orée du bois" d'Aiacciu. A dicisioni hè cascata in principiu di sirata, dopu à più di ottu ori di deliberazioni. Charly Pieri è Christophe Gianesi ripartini libari, allora chì un annu di modu attimpatu è 10 anni subbitu è sicuri erani stati dumandati di modu rispittivu contr'à elli. Michel Roméo ùn avarà micca cundanna pà contu soiu. I cundanni i più impurtanti sò stati prununziati contr'à Joseph Nasica, Jean-Marie Pittiloni è Paul Istria, tutti è trè pà 12 anni di prighjò (16 è 20 anni erani stati chersi).
Sur le même sujet
