Procès des soutiens à Yvan Colonna: le verdict
(A redazzioni d'Alta Frequenza) - L'8a camara di u tribunali di Parighji hà fattu cunnoscia a so dicisioni eri dopu meziornu (ghjovi) ind'u prucessu in appellu di i sustegni à Yvan Colonna quand'ellu era sempri libaru. È guasgi tutti i cundanni di u primu prucessu sò stati cunfirmati, in tutti i casi pà ciò chì tocca à Claude Serreri, chì ùn hà avutu nulla, com'è pà Frédéric Paoli è André Colonna d'Istria, cundannati di modu respettivu à 10 mesi di modu attimpatu è à 2 anni di modu attimpatu. Patrizia Gattaceca hà presu ella 2 anni di modu attimpatu, ma cù un aghjustu à u nivellu di a prima cundanna, postu chì ùn pudarà micca essa eletta pà 5 anni. Infini, Marc Simeoni hè statu cundannatu à 3 anni di prighjoni di modu attimpatu, è ùn pudarà micca fà u so mistieru di spertu ind'i tribunali duranti 5 anni. Pà ciò chì tocca à i rispunsabilità, l'associu di malfattori in leia cù un'intrapresa terrurista ùn hè micca statu ritinutu, mentri chì u "recel" iè.
Ecoutez les précisions de Me Eric Barbolosi, avocat de la défense.
Sur le même sujet
