Procès des gîtes ruraux : les réquisitions pour les bénéficiaires
(A redazzioni d'Alta Frequenza) - Ssu luni à sera, a seiesima ghjurnata di u prucessu di l'alloghji campagnoli, u ministeru publicu, raprisintatu da u prucuratori di a Republica di Bastia, Nicolas Bessone, hà principiatu i so dumandi trattendu solu i benefiziari, manchendu di tempu pà falla di manera sana. Pà i sedeci benefiziari, i dumandi sò trà sei mesi è trè anni di prighjoni attimpati, fora di un privenutu contr'à quali dui anni di prighjoni assicurati sò stati dumandati par via di u so passatu ghjudiziariu impurtanti, cù amendi trà 15 000 è 45 000 auri, missi à a prova, è l'ubligazioni di rimbursà a suvvenzioni chì ùn duvia micca essa tocca pà quilli chì ùn sariani ancu à falla. Mentri ssi dumandi, l'arechji di Paul Giacobbi avarani zifulatu, postu chì u prucuratori hà parlatu di "giacobbisimu" nutritu da "dui puppuli, u clientelisimu è u clanisimu", dumandendu chì da u cantu di a corti ss'affari sighi trattatu com'è un affari di grandi banditisimu. Seguita di i dumandi stamni cù l'amministrativi è l'eletti.
Sur le même sujet
